ՖՈՆԴԻ ՄԱՍԻՆ

Դադարեցվող ֆոնդի նկարագիր

Ջեներալ Ասեթ Մենեջմենթ Պահպանողական կենսաթոշակային դադարեցվող ֆոնդը պարտադիր կենսաթոշակային դադարեցվող ֆոնդ է, որի նպատակն է ապահովել դադարեցվող ֆոնդի ակտիվների արժեքի երկարաժամկետ աճը՝ ուղղակի կամ միջնորդավորված եղանակով մինչև 25 տոկոսը ներդնելով բաժնետոմսերում, բաժնային արժեթղթերի ֆոնդերում և այլ նմանատիպ գործիքներում: Ակտիվների մնացած մասն ուղղակի կամ միջնորդավորված ներդրվում է պարտքային արժեթղթերում, դրամական շուկայի գործիքներում, ավանդներում և այլ նմանատիպ գործիքներում: Դադարեցվող ֆոնդի նպատակն է ապահովել կենսաթոշակի համար կուտակվող միջոցների կայուն աճ: Դադարեցվող ֆոնդի ակտիվների ներդրումից ձևավորված ողջ եկամտի հաշվին աճում է դադարեցվող ֆոնդի ակտիվների արժեքը, ինչի արդյունքում աճում է դադարեցվող ֆոնդի մասնակիցներին պատկանող փայերի արժեքը։ Դադարեցվող ֆոնդի շահույթի բաշխում շահաբաժինների տեսքով չի նախատեսվում:

դադարեցվող ֆոնդի կանոններին կարելի է ծանոթանալ կից փաստաթղթում։

ՀԱՅՏԱՐԱՐՈՒԹՅՈՒՆ

Դադարեցվող՝ «Ջեներալ Ասեթ Մենեջմենթ» ՓԲԸ պահպանողական կենսաթոշակային ֆոնդի դադարեցման վերաբերյալ

26 փետրվարի 2025թ «ՋԵՆԵՐԱԼ ԱՍԵԹ ՄԵՆԵՋՄԵՆԹ» փակ բաժնետիրական ընկերությունը (գրանցված ՀՀ ԿԲ խորհրդի 02.08.2019թ թիվ 102-Ա որոշմամբ, գրանցման վկայական թիվ 5, ՀՎՀՀ՝ 02812107, գտնվելու վայրը՝ ՀՀ, ք. Երևան, Ազատության 24/15) որոշում է կայացրել «Ջեներալ Ասեթ Մենեջմենթ» ՓԲԸ պահպանողական կենսաթոշակային ֆոնդը (գրանցված է ՀՀ կենտրոնական բանկի նախագահի 16.08.2019թ թիվ 114–Ա որոշմամբ, ՀՎՀՀ՝ 00208611) դադարեցնելու վերաբերյալ։

Ֆոնդը դադարեցվում է Ֆոնդում առկա բոլոր կենսաթոշակային խնայողությունների՝ ՀՀ պետական կենսաթոշակային համակարգի ֆոնդեր տեղափոխման գործընթացի ավարտի հիմքով։ 

Դադարեցվող՝ «Ջեներալ Ասեթ Մենեջմենթ» ՓԲԸ պահպանողական կենսաթոշակային ֆոնդի հանդեպ պահանջ ունեցող անձինք (Ֆոնդի փայատերերը և այլ պարտատերերը) կարող են ներկայացնել իրենց պահանջները սույն հայտարարության օրվանից երկու ամսվա ընթացքում՝ մինչև 2025 թվականի հունիսի 24-ը ներառյալ՝ Ազատության 24/15, Երևան, ՀՀ, 0001 հասցեին կամ info@gfunds.am էլեկտրոնային հասցեին նամակ ուղղելով, պարտադիր նշելով պահանջատիրոջ անունը ազգանունը (անվանումը) և նույնականացման տվյալները, պահանջի հիմքը, պահանջի չափը և հետադարձ կապի միջոցները։ 

Վերը նշված վերջնաժամկետից հետո օրենսդրությամբ սահմանված կարգով ամփոփվելու են ստացված պահանջները և հրապարակվելու է միջանկյալ դադարեցման հաշվեկշիռ։ «Ջեներալ Ասեթ Մենեջմենթ» ՓԲԸ-ը դադարեցվող Ֆոնդի միջանկյալ դադարեցման հաշվեկշիռը հրապարակելուց հետո նախատեսում է, որ երկու ամսվա ընթացքում օրենսդրությամբ սահմանված կարգով և հերթականությամբ կազմակերպելու է պահանջների բավարարումը։ 

Պահանջների բավարարումից հետո Ֆոնդի գործունեությունը դադարեցվելու է օրենքով սահմանված կարգով։ 

Ֆոնդի դադարեցման հետ կապված ծախսերն իրականացվում են «Ջեներալ Ասեթ Մենեջմենթ» ՓԲԸ հաշվին։ 

Հայտարարություն

15.04.2025թ-ին օրենսդրությամբ սահմանված կարգով հրապարակվել է Դադարեցվող «Ջեներալ Ասեթ Մենեջմենթ» ՓԲԸ պահպանողական կենսաթոշակային ֆոնդի (գրանցված է ՀՀ ԿԲ նախագահի 16.08.2019թ թիվ 114–Ա որոշմամբ, ՀՎՀՀ՝ 00208611, գտնվելու վայրը՝ ՀՀ, ք. Երևան, Ազատության 24/15) (Դադարեցվող ֆոնդ) դադարեցման վերաբերյալ հայտարարությունը, և պահանջներ ներկայացնելու օրենսդրությամբ սահմանված ժամկետն ավարտվել է 24.06.2025թ-ին։ Օրենսդրությամբ սահմանված պահանջներին համապատասխան՝ հրապարակվում են Դադարեցվող ֆոնդի դադարեցման միջանկյալ հաշվեկշիռը և միջանկյալ դադարեցման հաշվեկշռի վերաբերյալ հաշվետվությունը։ 

Դադարեցվող՝ «Ջեներալ Ասեթ Մենեջմենթ» ՓԲԸ պահպանողական կենսաթոշակային ֆոնդի

ԴԱԴԱՐԵՑՄԱՆ ՄԻՋԱՆԿՅԱԼ  ՀԱՇՎԵԿՇԻՌ

24.06.2025թ դրությամբ

ՀԱՇՎԵՏՎՈՒԹՅՈՒՆ ԹԻՎ 2
ՄԻՋԱՆԿՅԱԼ ԴԱԴԱՐԵՑՄԱՆ ՀԱՇՎԵԿՇՌԻ ՎԵՐԱԲԵՐՅԱԼ
(միանվագ)